Бөек Җиңүнең 79 еллыгына багышлап, Казанда 8 майда Муса Җәлил исемендәге опера һәм балет театрында республика районнарыннан һәм шәһәрләреннән сугыш ветераннары, тыл хезмәтчәннәре катнашында тантана булды.
Скопировать ссылку
Бөек Җиңүнең 79 еллыгына багышлап, Казанда 8 майда Муса Җәлил исемендәге опера һәм балет театрында республика районнарыннан һәм шәһәрләреннән сугыш ветераннары, тыл хезмәтчәннәре катнашында тантана булды.
Чарага Татарстан Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Дәүләт Советы Рәисе Фәрит Мөхәммәтшин, Премьер-министр Алексей Песошин, министрлар, чит илләр консуллыклары хезмәткәрләре, депутатлар, җәмәгать оешмалары вәкилләре килде.
– Бөек Ватан сугышында Җиңүнең 79 еллыгы белән йөрәк түреннән котлыйм сезне! – дип мөрәҗәгать итте залдагы халыкка Рөстәм Миңнеханов. – Җиңү көне һәрберебез өчен изге бәйрәм. Бу – халык даны, горурлыгы һәм кайгысы көне. Сугыштан соң күбрәк вакыт узган саен Бөек Җиңүнең дөньякүләм-тарихи зур әһәмияте тагын да ачыграк күренә. Бүген без яу кырында үлемгә каршы барган ветераннарны, армый-талмый хезмәт куйган тыл хезмәтчәннәрен хөрмәтлибез. Сугыштан соң илне хәрәбәләрдән күтәргән кешеләргә рәхмәт әйтәбез. Яу кырында һәм сугыштан соң һәлак булган геройларга мәңгелек дан. Аларның батырлыгы безнең күңелләрдә мәңге сакланыр. Сезнең ышаныч һәм Ватанга тугрылык безнең өчен һәрвакыт югары әхлаклылык һәм чын ватанпәрвәрлек үрнәге булып торыр. Яшь буынны данлы халык-җиңүчеләр үрнәгендә тәрбияләп үстерү – безнең бурыч.
Татарстан Республикасы Рәисе Рөстәм Миңнеханов махсус хәрби операциядә катнашкан һәм хәзер дә катнашучыларга аерым мөрәҗәгать итте.
Комментарийлар