#Җәмгыять 04 января 2015, 12:36

Яңа ел бәйрәмнәрендә юл һәлакәтләренә эләгәләр, биеклектән сикерәләр

04 января 2015, 12:36

Скопировать ссылку

Лениногорск районында кичәге юл-транспорт һәлакәтендә биш кеше, шул исәптән ике бала зыян күргән. Фаҗига Яңа Сережкино авылы тирәсендә килеп чыккан. Баланың берсе - 2006 елгы, икенчесе - 2008 елгы. Олыларның икесен - Бөгелмәнең үзәк район хастаханәсенә, калганнарын, шул исәптән балаларны Лениногорск үзәк район хастаханәсенә алып киткәннәр. Республиканың Эчке эшләр министрлыгы матбугат хезмәте хәбәр итүенчә, юл-транспорт һәлакәтенә алты пассажир һәм шофер утырган маршрут автобусы юлыккан. Таудан төшкәндә, шофер, автобус белән идарә итә алмау нәтиҗәсендә, машина уң ягы белән юл читенә ауган.

Яңа ел төнендә Казанда полиция хезмәткәрләре биеклектән сикерү билгеләре булган дүрт кешегә тап булган. Дүртесе дә хастаханәдә җан биргән. Шушы очраклар төнге бердән иртәнге алтынчы яртыга кадәрге вакыт аралыгында килеп чыккан.

Кызыклы яңалыкларны күзәтеп бару өчен Телеграм-каналга кушылыгыз.