#Язмыш 03 мая 2022, 12:05

Акчасы аз булганда ирем аңа кирәкмәгән. Хәзер кирәге чыккан. Китәр дип куркам...

03 мая 2022, 12:05

Без ирем белән өч ел бергә торабыз. Ул аерылган, аның бер баласы бар. Башта аның аерылган һәм баласы булуы бераз куркыта иде, озак кына очрашып йөрдек. Тора-бара бу курку бетте. Ул кызына ай саен алимент түли. Ләкин хатыны аңа баланы күрсәтми. Мин моңа нык гаҗәпләнәм, әлбәттә, тик кысылмыйм, чөнки бу аларның эше.

Скопировать ссылку

«Нигә аерылыштыгыз?» дигән сорауга ирем аның холкы начар, диде. Аның белән торган вакытта, ирем автосервиста эшләгән. Акчасы күп булмаса да, тормыш алып барыр өчен җиткән. Ләкин хатынына акча гел җитмәгән, ул аны икенче эшкә урнаш дип теңкәсенә тия торган булган. Ирем түзгән түзгән дә, ике елдан соң аерылган.

Шуннан соң тагын ике ел узгач, без язылышып, бергә яши башладык. Уртак балабыз туды. Ирем автосервиста эшләвен дәвам итте. Моннан тыш үзенең булган планнары белән минем белән дә уртаклашты. Аның автосервисны зурайтасы, анда башка төр хезмәтләрне дә күрсәтәсе килүе турында әйтте. Әлеге планнары элек тә булган аның, ләкин хатыны каршы торгач, алар тормышка ашмаган.

Мин аның бу ниятләрен хуплап, яндагы ике гаражны сатып алдык. Берсендә машиналар юу хезмәте күрсәтелә, икенчесендә – шиномонтаж. Иремнең кулыннан бөтен эш тә килә. Ул ике эшче дә яллады, акчасы да артты. Мин декретта утырам, буш вакытым күп, социаль челтәрләрдә реклама бирәм, акцияләр турында сөйлим. 50 процент заказ шуннан килә башлады. Машинабызны да алыштырдык, чит илнекендә йөрибез, ял итәргә дә очабыз.

Барысы да яхшы кебек. Ләкин хәзер беренче хатыны иремә гел смслар яза башлады: имеш, ялгышканмын мин, әйдә бергә булыйк. Ирем миннән бернәрсә дә яшерми, телефонындагы язуларны күрсәтә. Инде берничә тапкыр эшенә дә килгән икән. Ул аны куып чыгарган.

Минем тынычлыгым бетте. Башымда мең төрле уй: элеккеге хатынының ирем артыннан йөрүе борчый. Акчасы аз булганда ул аңа кирәк булмаган бит, ә хәзер кирәге чыккан. Ничек алай була соң? Мин нәрсә эшләргә дә белмим. Зинһар, миңа киңәш бирегезче.

Миләүшә.

Чыганак: Шәһри Чаллы

Язмага реакция белдерегез

Реакция язылган инде

Комментарийлар

Без имени

0

0

Барыда иреннэн тора инде. Узен иренгэ эйбэт булырга тырыш. Бозымнар гына ясап китмэсен инде. Караштыргалап торыгыз. Анын кулыннан бер нидэ каба курмэсен, алмасында. Улхатын килгэнгэ иренне талама. Эйбэтлек белэн алып калырга тырыш. Тагы килсэ куып чыгар. Тагы бер килеп кенэ кара диен. Монда иреннэн тора барыда, ирен белэн утырып анлашып, сойлэшеп кара. Эйбэт кенэ итеп, кычкырмыйча

Без имени

0

0

Бозым эшлэмэсен иреңдең һәм үҙенең исемеңде алыштыр иптәшен белән генә белергә тейеш исем турында, яҡшы уйҙа бул гелдэ бергә йәшәй беҙ тип һәм бер гә булабыҙ тип уйла һәм теләк телә Хоҙай ҙан сорап!!! Барыһы ла яҡшы булсын инде!!!

Без имени

0

0

Алар күбесе беренче хатыннарын начар дип сөйлиләр! Ләкин дөресен беркем дә белми. Ә менә ирегезнең ул хатын турында начар итеп искә төшерүе (нинди булса да, аның белән яшәгән, сөйгән, уйнап кына өйләнмәгәндер бит), ул язган смсларны сезгә күрсәтүе, аны куып чыгарулары - русча әйтмешли "его не красит"! Ир-ат ничек булса да, ИР-АТ булып калырга тиеш!!!

Без имени

0

0

Акчасы азайса ташлаячак ул иреңне. Ирең түгел, акча кирәк ул хатынга. Акыллы кеше булса ирең аңлар моны. Чөнки дөньяда ни булмас. Акчасы азайган чаклары да булыр иреңнең. Ул сразу куачак иреңне