#Язмыш 22 июля 2022, 13:21

"Берәр бокал вино эчкәннән соң, нянабыз белән йокы бүлмәсенә кергәнебезне сизми дә калдык..."

22 июля 2022, 13:21

Миңа – 28 яшь. Ел башында хатыным юл һәлакәтенә очрап вафат булды. 4 һәм 2 яшьлек ике балабыз белән калдым. Иң кыены – балаларга әниләренең өйгә беркайчан да кайтмаячагын аңлату иде. Күпмедер вакыт әни янында яшәдек, балаларны карарга ул ярдәм итте. Ләкин әниләрнең үз тормышы. Кире үзебезгә кайттык та, няня эзли башладым.

Скопировать ссылку

"Берәр бокал вино эчкәннән соң, нянабыз белән йокы бүлмәсенә кергәнебезне сизми дә калдык..."

Авитога кердем дә, беренче очраган игълан буенча шалтыраттым. 40 яшьлек хатын-кыз, инглиз һәм француз телләрен укыткан. Балаларны таныш булмаган кеше белән калдырырга курыккач, өйгә видеокамера урнаштырдым. Борчылуым юкка булмаган, няня балаларны карамады, ашатмады, уйнатмады, урамга алып чыкмады. Ноутбуктан сериаллар карап утырды. Икенче көнне үк аның белән саубуллаштым.

Эштәге дус егет укытучыга укыган бер таныш кызын киңәш итте. Чибәр, тыйнак кыз иде ул. Камерадан карадым: няня көнозын балалар белән булды, әле өйне дә җыештырды. Барысы да яхшы, балаларның да кәефе күтәренке иде. Икенче тапкырдан менә дигән няня табуыма ышанмадым.

Җомга көнне эштән соңга калып кайттым. Няня балаларны йоклаткан иде инде. Нык арыган идем, аш бүлмәсендәге урындыкка көчкә барып утырдым. Няня әкрен генә яныма килде дә, муеныма массаж ясый башлады. Ул минутта шундый рәхәтлек тойдым, эрепләр киттем. Берәр бокал вино эчкәннән соң, йокы бүлмәсенә кергәнебезне сизми дә калдык. Шул кичтән бирле няня бездә яши. Көндез балалар, кичен минем белән шөгыльләнә. Идеаль хатын-кыз!

Әгәр аны кулдан ычкындырсам, юләр булачакмын. Ул балаларыма әниләрен, миңа хатынымны алыштырган кеше. Сентябрь айларында аңа тәкъдим ясарга җыенам.

Илназ Х.

Кызыклы яңалыкларны күзәтеп бару өчен Телеграм-каналга кушылыгыз.