Сөяркәмнең сөяркәсе бар?

Сөйгәнем һәрвакыт миңа яхшы мөнәсәбәттә булды. Хатыны турында беркайчан да сөйләмәде, ул темага, гомумән, сөйләшмәдек. Хәер, мин аның аерылуын теләмәдем дә, миңа шулай качып-посып очрашу рәхәт иде. Ир белән тормыш кызыкмени ул? Яши-яши көндәлек тормышка әверелә, савыт-саба шалтырый башлый. Ә монда көн дә бәйрәм. Без көн саен очрашып мәхәббәт белән шөгыльләнә идек. Һәм тора-бара мин аңа гашыйк булдым.

Тик бер ел элек ул үзгәрде, мине теләми башлады. Ни булганын аңлатмый. Бәлки башка сөяркәсе бардыр? Ә бит мин аны шундый яратам. Аннан башка бер генә көн дә яши алмыйм.

Исемем редакция өчен генә.