Үземә эчке кием аласы булса да, иремнән рөхсәт сорыйм
Исәнмесез, хөрмәтле редакция! Эч серемне сезгә ачарга булдым. Бәлки укучылар киңәше миңа алга таба яшәргә ярдәм итәр.
Исәнмесез, хөрмәтле редакция! Эч серемне сезгә ачарга булдым. Бәлки укучылар киңәше миңа алга таба яшәргә ярдәм итәр.
Акылдан язам бугай. Ирем белән биш ел бергә яшибез. Балабыз бар. Ирем начар кеше түгел, эчми, тартмый, эш урыны әйбәт, акчаны да яхшы эшли. Былтыр чит илгә ял итәргә дә алып барды. Нәрсә җитми инде тагын сиңа, нәрсәгә зарланасың дисезме? Ул артык таләпчән. Менә берничә генә мисал китерәм.
Аның эштән кайтуына ашарга пешереп торам, югыйсә үзем дә эштән арып кайткан булам. Ә ул нигә бу кәстрүлдә пешердең инде, кечкенәсе дә бар иде бит, хәзер менә суыткычка сыймый, нигә ике көн рәттән кәбестәле аш пешерәсең, ди. Аш кайнаррак булса, «Юри, мин ашамасын дип кайнарлаткансыңдыр», дип чыгып китә.
Савыт-саба торганны күрсә, шунда ук, «ник ул юылмаган, ник вакытында эшләмисең», дип зарлана. Идәндә чүп бөртеге тапса, нидер мыгырдана-мыгырдана аны алып ташлый да тагын менә чүп, күзәтеп, әйтеп тормасаң, чүп оясында калабыз, дип сөйләнә. Еш кына кигән киемемне, прическамны яратмый. Берсендә туйга барыр алдыннан нык кына кәефемне кырды. Бергәләп сатып алган күлмәкне туй көне килеп җиткәч кенә, «Килешми дә бит бу сиңа. Ни дип алдың, фигураң кеше төсле булмагач, нигә кирәк булды мондый тар күлмәк», дип бәйләнде. Елап, шешенеп беттем.
Гомумән, юктан сәбәп таба ул, бала авырса, мин гаепле, төнлә уянып еласа, тагын минем аркада, аның чалбары сүтелсә, мин вакытында күрмәгәнмен икән, моның өчен шундый каты тавыш куба инде, әйтерсең лә кияргә башка чалбары юк. Элек мин аның бу гадәтенә ничектер бик игътибар бирми идем, ә бәлки ул андый булмагандыр да, тик соңгы вакытта бик кызып китүчән, бәйләнчек иргә әйләнде. Минем әти-әниләрне яратмый, туганнарым белән артык аралашмый, кунакка килсәләр дә, авызына су капкандай, сүз дәшми, елмаймый утыра.
Әйтә, бәхәсләшә башласаң, үзең барысына да гаепле, син мине шул дәрәҗәгә җиткерәсең, дип битәрли. Ә мин нишлим инде, ашарына әзер, кере юылган, бала белән шөгыльләнәм, азмы күпме акча эшлим, анысын да уртак кассага салып барам әле. Үземә эчке кием аласы булса да, аннан рөхсәт сорыйм. Кыскасы, мине мондый тормыш туйдырды.
Бүген тагын нәрсә әйтер икән инде дип куркып арыдым. Нишлим, аерылыйммы икән әллә? Минем дә кеше кебек яшисем килә бит, мин дә эш аты гына түгел. Чын хатын-кыз итеп тоясым килә үземне, соңгы тапкыр бергәләп балага өч яшьтә циркка барган идек, инде баланың мәктәпкә барыр чагы җитә. Кибеткә дә бергә чыккан юк. Берәр киңәш бирсәгез иде.
Сабадан Лилия Г.
Кызыклы яңалыкларны күзәтеп бару өчен Телеграм-каналга кушылыгыз.
Вход на сайт
Язмага реакция белдерегез
Мөһим
-
#Спорт
Көрәш дөньясындагы күптән хәл ителәсе мәсьәлә хәл ителерме?
-
#Йолдызнамә
Тормыш сезгә матур мәхәббәт бүләк итәр: 22-29 ноябрьгә йолдызнамә
-
#Киңәш сандыгы
Дымлы сөлгенең 5 төрле зыяны
-
#Мәдәният
Олег Фазылҗанов: “Бармакларым юк! Кычкырып җибәрдем”
-
#Кыскача яңалыклар
«40 мең сумлык хезмәт хакы»: эше әллә ни авыр түгел, тик хезмзт хакы югары
Комментарийлар
10
0
Бик вак кеше бу. Олыгая олыгая тагыда хужерак була эле ул. Кит син анардан. Нигэ жэфаласын. Ул элеке дэ шундый булган инде. Бэлки эзержэк тузгэндер. Курсэтмэс эчен. Гадэт китми чир китэ дич иде эби. Узгэрми ул.
0
0
4
0
Бер узен торганын яхшы ботен нерванны бетера аннан чир арты чир килеп тора чирлаган ана ботенлай кирак булмыйсын
0
0
3
2
Алар барысы да бер, исемнәре дә, сыннары гына аерым. Хатын-кызга рәхәт күрсәтә торган ирләр юк бәбекәм!
0
0
2
0
Сен,лем узгэрэ дип уйлама, андый кешелэр узгэрми икэн.... Аерылып киту дэ яхшы кин,эш тугел энде, тормыш алып барулар ж,ин,ел тугел. Эчми, Эшли, баланы врата торгандыр. Эгэр ихтибар бирмэскэ тырышсан,?( Бу момкин эйбер ,баштан узган) Гаилэне сакларга уйласан, билгеле. Туганнар белэн очыраш, сойлэш, элекечэ яшэ тик Узен,не яратырга ойрэн, ярсткан эйберне алып ки, узен,э ошаганын пешер, аны тын,ла-ж,ай гына узен,чэ эшлэ балакай.... Нык каршы бар масан, узен,не дэ яратырга онытмыча, эйткэн сузлэргэ кимсенми генэ ( чонки син узен, нен, нинди кеше булуын, ны белэсен, бит, якыннарны, да белэ, юлэргэ нигэ упкэлэргэ???) менэ шулаерак Яши алсан, Сен,лем,
0
0
11
0
Кач артынада борылып карама, кеше тугел, ботен сэламэтлеген бетэ, психушкага барып житэрлек итэ бу сине. Яхшы, яраткан ир, хатын кызга мондый монэсэбэттэ булмый. КАЧ.
0
0