Транспорт полициясендә – бәйрәм

Тимер юлларда, елга портында һәм халыкара аэропортта иминлек саклаган Казан линия идарәсе олы юбилеен лаеклы каршыларга әзерләнә. Аның тарихына багышланган махсус журнал чыгачак. Татарстан буенча Эчке эшләр министрлыгының укыту-әзерлек үзәгендә 15 февральдә транспорт полициясе хезмәткәрләре һәм аларның гаиләләре катнашында «Әти, әни, мин - спорт гаиләсе!» («Папа, мама, я - спортивная семья!») дигән мәдәни-күңел ачу чарасы үткәреләчәк. Хезмәт алдынгыларына тантаналы шартларда бүләкләр тапшырылачак. Транспорт полициясе хезмәткәрләрен һәм ветераннарын күңелле конкурслар, артистларның концерты көтә.