Ана капиталына акчалата алу яхшыракмы, әллә машиналатамы?

Башта Россиядәге гаиләләрнең бу пособиегә мохтаҗмы-түгелме икәнен ачыкларга кирәк дип саный. ЛДПР партиясе вәкилләренең исә ана капиталына карата үз тәкъдимнәре. Күпбалалы гаиләләргә, инвалид балалары булганнарга ана капиталын машиналата бирү кулайрак булыр иде, ди алар. RT хәбәр итүенчә, биш һәм аннан да күбрәк балалы гаиләләргә коммуникацияләре тоташкан җир кишәрлекләре, ә гаиләдә җиде һәм аннан да күбрәк бала булганда «Газ­ель» машинасы бирү отышлы булыр иде дип уйлыйлар. Ә сезнеңчә ничек? Ана капиталын ничек түләсәләр яхшырак дип саныйсыз?

Илназ Баһ, җырчы, өч бала атасы:

- Иң кулае - ана кипиталын акчалата алудыр. Җир кишәрлеге, машина тапшырылган очракта да, аны сатып булмас иде. Капитал бит балага каралган. Төрле кеше төрле нәрсәгә мохтаҗ. Без, мәсәлән, үзебез ана капиталын торак шартларын яхшыртуга тоттык.

Әдилә Вафина, тәрбияче, өч бала анасы:

- Бүген күп гаиләләр торакка мохтаҗ. Шуңа да ана капиталын күпләр торак шартларын яхшырту өчен куллана. Акча урынына фатир бирсәләр, тагын да яхшырак булыр иде. Ул очракта туучылар саны тагын да артачак. Машина бирсәләр дә начар түгел. Үзем, мәсәлән, акча урынына машина алыр идем.

Гаяне Топчан, хуҗабикә, өч бала анасы:

- Безнең Абхазия Республикасында икенче, өченче туган балага да дәүләттән андый ярдәм каралмаган. Шуңа да без нәрсә бирсәләр дә, риза булыр идек. Хәер, безнең якларда акча бирмәсәләр дә, күпбалалы гаиләләр шактый. Үземә, ана капиталын алыр өчен, Россиядәге туганнарымда теркәлергә туры килде. Бу дәүләт ярдәме киләчәктә дә булсын иде.

kp.ru