Айфон иясе Алия: “Бер дә көтмәгәндә бүләк оту бик рәхәт икән”

“Танышларым котлап шалтырата башлады, ә мин нәрсә уңаеннан котлауларын аңламыйм. Айфон отканмын икән бит!” ди #ВсейСемьейНаВыборы #ТатарстанАлга фотоконкурсы җиңүчесе Алия Гарфеева.

Минзәләдә яшәүче Алия – күп бала әнисе. Социаль яклау үзәгендә эшли. “Фотоконкурс баруын белдем дә фотосурәтне социаль челтәргә урнаштырдым. Бүләк оту турында уйламадым да. Ничектер бер ниятсез генә куелды ул. Ә бер дә көтмәгәндә бүләк оту бик рәхәт икән. Үземнең айфоным бар. Монысы олы улым  Әмиргә булыр. Балалар әле дә ышанып бетмиләр”, – дип сөйләде бүләк иясе.