Айфон отучы Дания апа Нигъмәтуллина: “Бездә икеләтә бәйрәм бүген”

Дания апа бүгенге көндә лаеклы ялда. Гомер буе башлангыч сыйныфлар укытучысы булып эшләгән. “Сайлауга баргач, андагы кызлар әйдә фотобәйгедә катнашыгыз диделәр. Фотога төштек тә вконтактелга урнаштырдык” ди ул. 

Сайлаудан соң табигатькә чыгып киткәннәр. “Оныгым Раянның туган көнен билгеләп үтәргә чыгып киткән идек. Оныкка 3 яшь тулды. Аның икетуган абыйсы Русланга – 14 яшь булды. Болында телефон бөтенләй тотмый. Өйгә кайткач, бертуктаусыз телефоным шалтырый. Нәрсә булган икән дисәм, айфон отканмын икән. Бик күпләр котлап та язганнар. Мондый кыйммәте бүләк отканым юк инде. Конкурсны оештыручыларга бик зур рәхмәт”, – ди ул.