13-14 июнь Якутиядә 25 нче юбилей Федераль Сабан туе узачак.
13-14 июнь Якутиядә 25 нче юбилей Федераль Сабан туе узачак.
50 гә якын Россия төбәгеннән 500дән артык делегат, Татарстаннаң 300гә якын артист көтелә. Сабан туе Орто Дойду мәйданчыгында (Ханалас районы) узачак. Сабан туе урынын сайлау да очраклы түгел.
— Якутиядә Федераль Сабан туеның тирән мәгънәсе бар. Беренчедән, бу җирлектә без Федераль дәрәҗәдә Сабан туен беренче тапкыр уздырабыз. Икенчедән, Сабан туе якутларның Ысыах бәйрәме үткәрелә торган мәйданда, милләтебезгә хас булганча барлык үзенчәлекләр белән узачак. Сабан туе югары дәрәҗәдә үткәреләчәк, - дип белдерде Бөтендөнья татар конгрессы башкарма комитеты җитәкчесе Данис Шакиров.
Сабан туе барлык милли үзенчәлекләрне дә үз эченә алачак. Бәйрәм 13 июнь Татарстан иҗат коллективлары концертыннан башлана. 14 июнь - төп бәйрәм көне. Сабан туенда 11 милли уен уйнатылачак. Шул исәптән тауга менү, таяк тартышу, уктан ату. Якутия Сабан туенда тауга менү буенча рекорд та куелачак. Безнең элек-электән тауга менү милли уены булган. Таш күтәреп тә тауга менгәннәр. Һәр уенның үз тәртибе. Быел милли уеннарга аеруча нык игътибар итәбез. Рекордка килгәндә, Россия төбәкләреннән килгән 500 вәкил бервакытта тауга менәчәк. Рекорд Россия рекордлары китабында теркәләчәк, - диде Данис Шакиров. Якутия Сабан туенда көрәш мәйданы да булачак.
Баш батырга бүләк — Татарстан республикасы рәисеннән машина. Данис Шакиров сүзләренчә Якутия Сабан туе көрәшендә теләгән һәркем катнаша ала. Шулай ук Түбән Кама районы аерым татар утарын да тәкъдим итәчәк.
Кызыклы яңалыкларны күзәтеп бару өчен безнең МАХ каналына кушылыгыз.
Илгизә Галиуллина
Комментарийлар