«Матбугатның роле стратегик булып кала»: Әсгать Сәфәров журналистларны бәйрәм белән котлады

Котлау текстында ул татар журналистикасының бай тарихын һәм җәмгыять өчен әһәмиятен ассызыклады.  — Татар профессиональ журналистикасының тирән тарихи тамырлары, бай традицияләре һәм үз геройлары бар, — диелә мөрәҗәгатьтә.  Әсгать Сәфәров аерым рәвештә мәгърифәтче, дин галиме һәм җәмәгать эшлеклесе Гатаулла Баязитов исемен телгә алды.

Нәкъ менә аның тырышлыгы белән 1905 елда беренче татар газеталарының берсе булган «Нур» басмасы дөнья күрә.  Администрация җитәкчесе билгеләп үткәнчә, бүген мәгълүмат киңлеге бик тиз үзгәрә: яңалыкларны җиткерү форматлары яңара, цифрлы платформалар үсә. Әмма, аның сүзләренчә, массакүләм мәгълүмат чараларының җәмгыятьтәге роле һаман да стратегик әһәмияткә ия булып кала.  — Татарстанның бүгенгесе һәм киләчәге журналистларның гражданлык позициясенә, компетентлыгына һәм битараф булмавына турыдан-туры бәйле, — дип ассызыклады ул.  

Котлау ахырында Әсгать Сәфәров медиа тармак вәкилләренә иҗади уңышлар, яңа һөнәри үрләр һәм илһам теләде.