Комиссия тәкъдимне хупларга, истәлекне башка юл белән мәңгеләштерергә киңәш итәргә яки гаризаны кире кагарга мөмкин. Уңай карар кабул ителгән очракта, исем Татарстан Министрлар Кабинеты карары яки оешманы гамәлгә куючы вәкаләтле орган боерыгы белән биреләчәк.
Кагыйдәләр хәрби хәрәкәтләрдә, Ватанны саклау буенча хәрби һәм хезмәт бурычларын үтәгәндә, шулай ук чит илләрдә хәрби бурычларын башкарганда һәлак булганнарга кагыла. Илне саклаганда алган яралардан һәм авырулардан үлүчеләр, хәбәрсез югалганнар, шулай ук әсирлектә һәлак булганнар да бу исемлеккә керә. Әмма соңгы очракларда кешенең Ватанына хыянәт итмәве һәм намусын югалтмавы шарт.
Тәртип махсус хәрби операция барышында бурычларын үтәгәндә һәлак булганнарга да кагыла.
Исегезгә төшерәбез, 2026 елның июнендә Татарстанда Ватанны саклаганда һәлак булганнарның истәлеген мәңгеләштерү турында закон кабул ителгән иде. Ул дәүләт һәм муниципаль оешмаларга, урамнарга, мәйданнарга һәм башка географик объектларга һәлак булганнарның исемнәрен бирү мөмкинлеген күздә тота. Хәзер республика оешмаларга исем бирүнең төгәл тәртибен билгели.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар