“Татарстан хәләл индустрияне алга этәрүгә аерым әһәмият бирә”

Аның сүзләренчә, «Kazan Halal Market» ярминкәсе «Россия - Ислам дөньясы: KazanForum» халыкара икътисади форум кысаларында уза торган беренче рәсми чара.

Бүген хәләл ул тирән рухи, мәдәни кыйммәтләрне чагылдыра, бөтен дөньядагы миллионлаган кешене берләштергән тулы бер тормыш фәлсәфәсе. Татарстан, ислам икътисадын үстерүдә Россиянең әйдәп баручы төбәге буларак, хәләл индустриягә ярдәм итүгә һәм аны алга этәрүгә аерым әһәмият бирә, - дип ассызыклады ул.

Рөстәм Миңнеханов, форумның гомумфедераль масштабта узуын һәм анда катнашучыларның саны бермә-бер артуын да билгеләп үтте. Аныңча, бу Россиянең ислам дөньясы белән мөнәсәбәтләрен алга таба да үстерү мөһимлеген һәм кирәклеген чагылдыра, диде ул.
Быелгы «Kazan Halal Market» ярминкәсендә илнең 15 төбәгеннән һәм Пакистан, Әфганстан, Казахстан, Әзәрбайҗан, Төркия, Иран, Һиндстан һәм Сенегалдан

150 компания катнаша. Ярминкәдә күп төрле хәләл стандартларына туры китерелгән азык-төлек, кием-салым, бижутерия, косметика, көнкүреш кирәк-яраклары тәкъдим ителә.

Теләгән һәр кеше 18 майга кадәр ярминкәгә килә ала. Ярминкә иртәнге сәгать 8:00 дән кичке 19:00гә кадәр эшләячәк. Анда барысы 40 меңнән артык кеше килер дип көтелә.