Татарстанда Радио һәм элемтә көне: «Элемтә — кешеләрне берләштерүче көч»

Татарстанда элемтә тармагы революциягә кадәр үк актив үсә башлый: почта, телеграф һәм телефон хезмәтләре эшли. Әмма Гражданнар сугышы тармакка зур зыян сала. 1922 елга Казанда нибары 880 телефон абоненты гына кала. Соңрак республикада элемтә челтәрләре яңадан торгызыла һәм киңәя.

Бөек Ватан сугышы елларында элемтәчеләрнең батырлыгын аерым атыйк. Алар фронт белән элемтәне тәэмин итә, өзелгән линияләрне ут астында торгызып, тәүлекләр буе эшли.

Бүген дә элемтә тармагы белгечләре мөһим вазифалар башкара. Аеруча махсус хәрби операция зонасында хезмәт итүче элемтәчеләрнең эшенә рәхмәт сүзләре җиткерәбез. Аларның хезмәте батырлык, чыдамлык һәм югары профессионализм таләп итә.

Хәзерге вакытта Татарстанда:
📱 9,1 миллионнан артык кәрәзле элемтә абоненты,
🌐 4,8 миллионнан артык мобиль интернет кулланучысы,
💻 1,33 миллионнан артык чыбыклы интернет абоненты исәпләнә.

Бу күрсәткечләр артында меңләгән белгечнең көндәлек хезмәте тора: инженерлар, линия хезмәткәрләре, авария бригадалары, техник белгечләр һәм операторлар.

Тармак хезмәткәрләренә нык сәламәтлек, иминлек һәм яңа уңышлар.

Сезнең хезмәт еш кына күренми, әмма нәкъ менә ул кешеләргә, хәтта ерак араларда да, янәшә булырга мөмкинлек бирә.

 ТР Цифрлар министрлыгы башлыгы 

Илья Начвин