#Авыл 21 июль 2026, 11:07

Сабаклары кап-кара: бәрәңгене алырга кирәкме, көтәргәме?

21 июль 2026, 11:07

Узган атнада берничә көн тоташ тәүлек буе яуган яңгырлар аркасында кайбер районнарда бәрәңгеләрнең сабаклары кап-кара булган.

Скопировать ссылку

Сабаклары кап-кара: бәрәңгене алырга кирәкме, көтәргәме?

Мөслим, Сарман, Азнакай якларында яшәүче укучыларыбыз да, нишләтеп карыйк, бәрәңгесен ашарга ярыймы икән, дип язалар. Аларның сорауларын Татарстан авыл хуҗалыгы фәнни-тикшеренү институтының Бәрәңге үстерү үзәге баш белгече Фәния Җамалиевага юлладык.

– Сабаклары каралып чыккач, бу фитофтора булырга тиеш. Бәрәңгесен ашарга ярый. Ә казып алып базга куярга әле иртәрәк, ике атналап бәрәңгенең кабагы ныгыганны көтегез. Хәзер үк алсагыз, фитофтора күзәнәкләре сабаутан бәрәңгегә күчәргә һәм аны черетергә мөмкин. Әгәр дә сабагы бөтенләй каралмаган, яшеле дә булса, ул күпмедер үсәргә дә мөмкин. Эссе көннәрдә авыру таралу куркынычы да кими.
Фитофторага каршы, әле авыру билгеләре булмаганда, бәрәңге сабакларын фунгицидлар белән эшкәртү артык булмас. Әмма бакчаның 20 проценты каралган булса, эшкәртү файдасыз.

Кызыклы яңалыкларны күзәтеп бару өчен безнең МАХ каналына кушылыгыз.