#Авыл 02 июнь 2022, 16:14

Ташламалы ипотекага шәхси йортны үз көчең белән дә салып булачак 

02 июнь 2022, 16:14

Дөресрәге, йорт төзүчеләр белән килешүләр төзеп тормыйча гына. Әлеге төр ипотека ярдәмендә ел ахырына 8 мең кредит бирергә уйлыйлар. Төзелеш өчен ипотека шартлары яңа йортлардагы фатир алганда кулланыла торган ташламалы ипотекадан берни белән дә аерылмый.

Скопировать ссылку

Ташламалы ипотекага шәхси йортны үз көчең белән дә салып булачак

Ипотека ставкасы – 9 процент. Кайсы төбәктә яшәвеңә карап, аның максималь күләме дә билгеле. Мәскәү, Санкт-Петербургта яшәүчеләргә ул 12 миллион, калган төбәкләргә – 6 миллион сум. Тагын бер төп шарт – төзелешне кредит килешүен төзегәннән алып, бер ел эчендә тәмамларга кирәк. Ә йорт төзелә торган кишәрлекне банк залог итеп алачак.

Соңгы берничә елда халыкның шәһәр читендәге йортларга күпләп күчүен исәпкә алганда, бу бик тә урынлы ярдәм. Белгечләр билгеләп узганча, узган елгы төзелгән йортларның 50 проценты шәхси өйләргә туры килгән. Яңа ипотека шартлары исә өстәмә 1 миллион квадрат метр төзү мөмкинлеген булдырыр дип көтелә. Халык арасында бу төр ипотекага ихтыяҗ чынлап та бар.

ДОМ.РФ һәм Бөтенроссия халык фикерен өйрәнү үзәге уздырган сораштырулардан күренгәнчә, ипотекага шәхси йорт төзергә теләүчеләрнең 31 проценты (якынча 50 мең гаилә) төзелешкә профессиональ төзүчеләрне җәлеп итәргә әзер түгел, алар аны үз көчләренә төзергә җыеналар. Әлегә кадәр халык йортны үз көче белән төзү өчен югары процентлы кулланучылар кредитыннан файдалана иде.

Кызыклы яңалыкларны күзәтеп бару өчен безнең МАХ каналына кушылыгыз.