«Зиланткон» гадәти булмаган көннән башланачак: быел Казанда нәрсә көтелә?

Әмма ул бераз үзгәрәк була. 31 октябрь көнне фестиваль беренче көн белән түгел, ә «ноленче көн» белән башланачак. Төп тамашалар 1 ноябрьдән 4 ноябрьгә кадәр Ленин исемендәге мәдәният йортында узачак.

— Узган ел без «Хакимият» темасын уйнаган идек. Хакимияттән соң нәрсәгә уйнарга мөмкин? Уйлаштык та «Ирек» темасына тукталырга булдык, — ди «Зиланткон» конвенты җитәкчесе Борис Фетисов.

Конвентта сайлау мөмкинлеге, чикләре, иҗаты һәм кешенең мөмкинлекләре турында сөйләнәчәк.