#Авыл 01 февраля 2022, 11:58

Язгы кыр эшләренә техника ремонтлауга 0,9 млрд сумлык запас частьләр сатып алынган

01 февраля 2022, 11:58

Узган елгы аномаль һава торышы шартлары республиканың авыл хуҗалыгы күрсәткечләрендә тискәре чагылыш тапкан. Ел йомгаклары буенча тулаем продукция күләме, хуҗалыкларның барлык категорияләрен исәпкә алып, 2020 елның шушы чорындагы бәяләр белән чагыштырганда, 19,9 процентка кимегән һәм 237,2 млрд сумны тәшкил иткән.

Скопировать ссылку

Язгы кыр эшләренә техника ремонтлауга 0,9 млрд сумлык запас частьләр сатып алынган

Татарстан Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышында Татарстан авыл хуҗалыгы һәм азык-төлек министрының беренче урынбасары Наил Залаков шулай дип белдерде.

Ә бүген аграрийлар алдында язгы кыр эшләрен вакытында һәм уңышлы башкарып чыгу максаты тора.
– 2022 ел уңышы өчен 479 мең га мәйданда көзге бөртекле культуралар чәчелде (шулардан 368 мең га көзге бодай, 103 мең га көзге арыш, 7 мең га тритикале). Зур мәйданнарда уҗымнарның үлеме куркынычы юк. 1,8 млн га мәйдан туфрак эшкәртелде. Бөртекле һәм кузаклы культуралар орлыклары белән тәэмин ителеш 115 процентны тәшкил итә, – дип сөйләде Наил Залаков.

Чәчү эшләренең нинди темпта баруы техника белән дә бәйле. Быел язгы кыр эшләренә 11 мең трактор, (шуларның 67 проценты әзер), 726 чәчү комплексы (40 проценты әзер), 5,8 мең чәчкеч (69 проценты әзер), 5,0 мең культиватор (70 процент) җәлеп итү планлаштырыла:
Авыл хуҗалыгы предприятиеләре тарафыннан язгы кыр эшләренә техника ремонтлауга 0,9 млрд сумлык запас частьләр сатып алынган – бу ихтыяҗның 57 проценты.

Фото: http://mendeleevsk.tatarstan.ru