Мәскәүдә Җиңү парадына кемнәр килгән?

Парадка беренчеләрдән булып Вьетнам Коммунистлар партиясе Үзәк Комитеты Генераль секретаре То Лам, Венесуэла президенты Николас Мадуро, Зимбабве башлыгы Эммерсон Мнангагва һәм Казахстан Президенты Касым-Жомарт Токаев килде.

Шулай ук Кремльгә Куба президенты Мигель Диас-Канель, Монголия башлыгы Цахиагийн Хурэлсух һәм Сербия президенты Александр Вучич килде. Словакия премьер-министры Роберт Фицо, Белоруссия президенты Александр Лукашенко, Кытай башлыгы Си Цзиньпин һәм Бразилия Президенты Луис Инасиу Лула да Силва.

Шулай ук парадта Әрмәнстан, Үзбәкстан, Кыргызстан, Фәләстин, Буркина-Фасо, Абхазия, Таҗикстан, Төрекмәнстан, Конго, Мьянма, Гвинея-Бисау, Көньяк Осетия, Мисыр, Экваториаль Гвинея һәм Эфиопия лидерлары да катнашты.
Элегрәк Мәскәүгә визитын гамәлдән чыгару турында Лаос башлыгы Тхонглун Сисулит хәбәр итте, ул авыр формада коронавирус белән авырый башлаган. Аның урынына парадта Тышкы эшләр министры катнашты. Әзербайҗан Президенты Илһам Алиев та, Гейдар Алиевка багышланган эчке чараларда катнашырга тиешлегенә сылтама ясап, килмәде. Сүз 1993-2003 елларда Әзербайҗанны җитәкләгән аның әтисе турында.

Һиндстан, Индонезия, Никарагуа, Төньяк Корея һәм Көньяк Африка республикасы дәрәҗәле делегатлар белән тәкъдим ителде.

Бүген Татарстан Рәисе Рөстәм Миңнеханов та республика халкын Җиңү бәйрәм белән котлады.