#Дин 05 май 2021, 15:28

Аерылышканда ирем талак әйтмәде. Хәзер башка хатын белән яши. Безгә нишләргә?

05 май 2021, 15:28

Намаз укыганда күз йомып укырга ярыймы? Бу һәм башка сорауларга Рамил хәзрәт Юныс инстаграмдагы язылучылары өчен җаваплар бирде.

Скопировать ссылку

Аерылышканда ирем талак әйтмәде. Хәзер башка хатын белән яши. Безгә нишләргә?

– Биш ел элек аерылыштык, әмма ирем талак әйтмәде. Аннары башка хатын белән яшәде. Ислам дине буенча аның тәртибе ничек?
– Дин буенча сез аерылышмаган. Талак сорагыз. Телефон аша әйтсен, яки смс белән җибәрсен.
– Югалган алканы табу өчен махсус дога бармы?
– Коръәннең “Әд-духан” сүрәсен укыгыз.
– Чуртан, җәен балыкларын ашарга ярыймы?
– Суда йөзгән барлык балык хәләл.
– Каш йолку рөхсәт ителәме?
– Юк.
– Госел алганда чәч юмыйча, юеш кул белән генә сыпырсаң буламы?
– Юарга кирәк.
– Татарларга үзләренең нумерологиясен белергә ярыймы?
– Нумерология динебезгә каршы килә. Күп вакыт дөрес туры килә дип әйтсәләр дә, адәм баласын Аллаһ шулай сыный.
– Намаз укыганда күз йомып укырга ярыймы?
– Күзне йомып укырга кушылмый. Игътибарны җәлеп итү өчен рөхсәт ителә.
– Ялгышлык белән унбиш минутка иртәрәк авыз ачтым. Миңа нишләргә?
– Казага калдырып тотасы...