Баланың беренче чәчен саклау гөнаһ түгел, әмма куркыныч

Баланың беренче чәчен сакларга кирәк, диләр. Бу дөрес сүзме?

Лилия Сафина, Казан.

«Туган авылым» мәчете имам хатибы Нурулла хәзрәт Зиннәтуллин:

– Сакларга кушылмаган. Чәчне алганнан соң, гадәттә, яндыралар яки күмәләр. Бигрәк тә баланың чәчен, чөнки аның белән бозым ясыйлар. Бу чәчне саклау гөнаһ түгел, әмма үзеңә куркыныч тудырасың. Дошманың кулына эләгергә мөмкин. Олыгайган булса да, бала чәче белән сихерлиләр. Ул бик көчле сихер.