Нурлат мөхтәсибәтендә яңа туган балалары булган гаиләләргә ярдәм итү йөзеннән “Бәхетле бала” хәйрия акциясе старт алды. Әлеге чара ТАССРның 100 еллыгына багышлана.
Шулай итеп, бүген, Шәүвәл аеның 4-нче көнендә (27-нче майда), бала тудыру йортыннан чыкканда Әмир һәм Сәид Җәгъфәр исемле баланың әти-әниләренә тантаналы төстә кием-салым җыелмалары – яңа туган сабыйга кием комплекты һәм 2-3 яшькә кадәрге балалар киеме бүләк ителде. Якын арада яңа туган балалары булган гаиләләргә 50 бүләк җыелмасы тапшыру ниятләнә.
Акция 2020 елның 1 августына кадәр дәвам итәчәк.
Хөрмәтле дин кардәшләребез! Әгәр дә сезнең бу изге эштә катнашасыгыз килсә, сез акчаларыгызны күчерү өчен әлеге сылтама аша кереп карагыз.
Фото һәм чыганак: http://dumrt.ru
Комментарийлар