Дилбәр Гарифуллина
“Дога кылу тәртибе турында аңлатсагыз иде. Кыйблага карап утыру мәҗбүриме?..»
Башта нинди сүрә укыйсы? Теләкләреңне әйткәч, ахырдан махсус догасы бармы? - газета укучыбыздан әнә шундый сорау килде.
Башта нинди сүрә укыйсы? Теләкләреңне әйткәч, ахырдан махсус догасы бармы? - газета укучыбыздан әнә шундый сорау килде.
“Рамазан” мәчете имам-хатыйбы Солтан хәзрәт Морадимов җавап бирә:
– Пәйгамбәребез салләллаһу галәйһи вә сәлләм: “Гыйбадәтнең асылы догада”, – дигән. Халкыбызда: “Тели белсәң – теләк, тели белмәсәң – имгәк” диләр. Шуның өчен дога кылуның аерым шартлары бар. Коръәндәге барлык сүрәләр дә – Аллаһы Тәгалә сүзе. Аларның кайсын укысак ярый. Шул ук вакытта Коръәндә килгән тәртипне сакласак, ягъни “Фатиха” сүрәсеннән башласак, тагын да хәерле. Коръәндә килгән мөстәҗәб догаларны, әйтик, пәйгамбәрләр кылган догаларны уку, шул исәптән “Раббәнә” догасын уку да күркәм гамәл (“Раббәнәә әәтинә фид-дүнйәә хәсәнәтән үә фил-әәхырати хәсәнәтән үә кыйнәә гәз̣әәбән-нәәр” (“Әй Раббыбыз! Безгә дөньяда һәм ахирәттә яхшылык бир, безне җәһәннәм газабыннан сакла”). Дога кылганда, Аллаһка ихластан: “Раббым Аллам, без белмибез нәрсә безгә хәерле, нәрсә хәерсез булуын, Син яхшырак беләсең, бу дөньяда да иң яхшысын бирсәң иде, ахирәттә дә иң яхшысы булса иде”, – дип сорау дөрес булыр.
Галимнәр әйтүенчә, дога кылуны Аллаһы Тәгаләне мактау сүзләре (“Әлхәмдүлилләһи раббил гааләмиин” – “Бөтен галәмне юктан бар кылучы Аллаһы Тәгаләгә барча мактауларыбыз булса иде”) белән башласак, Пәйгамбәребез салләллаһу галәйһи вә сәлләмне искә алсак (“Аллаһуммә салли галәә сәйиидинә Мүхәммәдин вә галәә әәли сәйиидинә Мүхәммәд”), аның бәрәкәтен арттырабыз.
Теләкләребезне әйткәч, доганы башлагандагы кебек, Аллаһны мактау сүзләрен һәм Пәйгамбәребез Мөхәммәд салләллаһу галәйһи вә сәлләмгә салават әйтеп тәмамлыйбыз.
Дога кылганда кыйбла ягына карап утыру мәҗбүри түгел. Белүебезчә, намаз укыган кешенең йөзе кыйбла тарафына юнәлгән булырга тиеш. Дога кылуның гыйбадәт икәнлеген истә тотканда, кыйблага йөзебез белән борылу шулай ук хәерле булыр.
Дога кабул булуның тагын бер шарты – ул ихлас күңелдән булырга тиеш.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
Фестиваль «Всей семьей на старт» пройдет 12 сентября
-
#Авыл
Россиядә автолавкалар һәм фудтраклар өчен сәүдә кагыйдәләре үзгәрә
-
#Җәмгыять
Җинаятьчелеккә каршы бердәм төстә көрәшү кирәк
-
#Мәгариф
Студентларга 1 млн сумга кадәр грант һәм яңа мөмкинлекләр: Татарстан яшьләренә нәрсә тәкъдим ителә?
-
#Дин
Еш бирелә торган сорауларга Коръәндәге җаваплар
Комментарийлар
6
0
Раббәнәә әәтинә фид-дүнйәә хәсәнәтәү үә фил-әәхырати хәсәнәтәү үә кыйнәә гәз әәбән-нәәр! "Раббыбыз! Безгә дөньяда һәм ахирәттә яхшылык бир, безне ут газабыннан сакла!" ҮәЛЛААҺи, бу бөек Аять-Дога эчендә "Әй" юк!
0
0
7
2
“Раббым Аллам, без белмибез нәрсә безгә хәерле, нәрсә хәерсез булуын, Син яхшырак беләсең, бу дөньяда да иң яхшысын бирсәң иде, ахирәттә дә иң яхшысы булса иде”, – дип сорау дөрес булмас, әстәгъфируЛЛААҺи тәүбә! Ничек инде АЛЛАҺ Тәгаләгә курыкмыйча һәм оялмыйча "Аллам" дип дәшмәк кирәк!?
0
0
0
4
Ничек дөрес, аны АЛЛАҺ кына белә.Әбиләр , яРаббым, я АЛЛАМ диеп әйтә иделәр. Ә минем әбиләрем1897 -1900 елгылар иде. Мәдрәсәдә укыганнар.
0
0