Балам тугач, гакыйка корбаны чалынмады. Аны хәзер чалдырыр­га буламы?

Диләрә Хәсәнова, Питрәч

Гакыйка корбаны - сөннәт гамәл. Аны чалу савап, чалмау гөнаһ түгел. Бала тугач чалынмаган булса, аны теләсә кайсы вакытта чалырга мөмкин. Чалганда, гакыйка корбаныннан китсен дип ниятләргә генә кирәк. Аны гадәти корбан кебек өләшәсез. Әгәр дә инде бала туса, гакыйка корбаны чалдырыр идем дигән булсагыз, бу нәзер корбанына керә. Нәзер корбанын исә үзең ашарга тиеш түгелсең, тулысынча өләшеп бетерегез.