«Ифтар ул йөрәкләрне берләштерә, мөселманнарны бер урынга җыя, халыкны үзара якынайта» (ФОТОРЕПОРТАЖ)

- Соңгы сәгатькә кадәр шалтыратып билетлар сораучылар булды. Без тагын да күбрәк кеше җыяр идек тә, мөмкинлекләр чикле, - диде ул.
Башка еллардагы тәҗрибәне күз алдында тотып, билетлары булмаганнарга таратырга дип махсус мең данә ланч-бокс та әзерләнгән иде.

Киләсе елга футбол буенча дөнья чемпионаты узу сәбәпле, ифтарны кабат шушы Теннис академиясендә үткәрергә җыеналар. Россия мөселман эшкуарлары ассоциясе вице-президенты Радик Абдрахманов «ШК" хәбәрчәсенә, күршедәге Бадминтон үзәген дә җәлеп итү нияте бар, дип хәбәр итте.

Республикакүләм ифтарга килүчеләр генә түгел, аны үткәрергә ярдәм итәргә теләүчеләр дә күп булган. Мөфти Камил хәзрәт әйтүенчә, әгәр дә берәү рамазан аенда дин кардәшен ифтар мәҗлесенә чакырса, ул зур савап ала.

- Изге айда савап алып калырга теләүчеләр күп, Казанның бик күп мәчетендә көн дә ифтарлар уза, - диде ул.

Әлеге эштән волонтерлар да читтә калмый. Әниле-кызлы Ландыш һәм Нәфисә Миңнуллиналар әлеге саваплы эштә икенче тапкыр катнашулары.
- Рамазан аенда игелекле эшләр эшләр калырга тырышырга кирәк, аның савабы бшка айларга караганда күбрәк була, диләр. Кызганыч, үзем ураза тота алмыйм, дарулар эчеп торам. Һичьюгы волонтер булып эшләп, мөселман кардәшләребез янында булыйм дип килдем, - ди Ландыш.

Ифтар ул мөселманнарның очрашу урыны да. Җәлил хәзрәт биредә утыз ел элек күрешмәгән сыйныфташы белән очрашкан. Ифтар ул йөрәкләрне берләштерә, мөселманнарны бер урынга җыя, халыкны үзара якынайта, ди Камил хәзрәт.

Республика ифтарына Россиянең башка төбәкләре һәм чит илләрдән дә кунаклар килгән иде. Ифтарның рәсми кунаклары арасында исә Татарстан Президенты Рөстәм Миңнеханов, республиканың Дәүләт Киңәшчесе Минтимер Шәймиев, Татарстан Президенты ярдәмчесе Камил Исхаков, Татарстанның сәламәтлек саклау министры Гадел Вафин, Казан мэры Илсур Метшин, Казан һәм Татарстан митрополиты Феофан, республиканың баш раввины Ицхак Горелик һәм башкалар да бар иде.