Ике гает арасында туй үткәрергә ярамый?!

Улыбыз өйләнергә җыена. Танышлар ике Гает арасында туй ясарга ярамый, диләр. Чыннан да шулаймы ул?

Галия, Казан.

Сорауга Апанай мәчете имам-хатыйбы Нияз хәзрәт Сабиров җавап бирә:

Шәригатьтә ике Гает арасында никах укытуга тыю юк. Никах - изге гамәлдән сана. Изге гамәлне никадәр иртәрәк кылсаң, шулкадәр яхшырак. Шуна курә, бер дә шикләнмичә, ике Гает арасында улыгыз үзе сайлаган яры белән никаһлаша һәм кавыша ала. Мәсәлән, Сөекле Пәйгамбәребез саллалаhу галәйhи вә сәллам Сәудә бинт Зәм исемле хатын белән Шәввәл аенда, ягъни ике Гает арасында никахлашкан.

^{Фото: proufu.ru}