Мәет озатудагы рәсми мәсьәләләрне нидән башларга?

Башы

МӘЕТ ОЗАТУДАГЫ РӘСМИ МӘСЬӘЛӘЛӘР

Берәр якыны вафат булган кеше берничә рәсми мәсьәләне хәл итәргә тиеш. Алар түбәндә:

Ашыгыч ярдәм бригадасына (төнлә) яки участок табибына хәбәр итү. Биредә вафат булган кешенең якыннарына кешенең үлгәнлеген исбат иткән белешмә тапшырыла.

Полициягә хәбәр бирү. Алардан кешенең үлеме турындагы белешмә алына.

Табиб биргән белешмә белән мәрхүмнең паспортын һәм үз документларыңны алып, ЗАГС идарәсенә (гражданлык актларын теркәү бүлеге) мөрәҗәгать ителә. Биредә вафат булган кешенең паспортын алып калалар. Һәм аның урынына «Үлү турында таныклык» тапшырыла. Шулай ук җирләү өчен акча алу хокукы бирүче белешмә бирелә.

Җирләү өчен социаль пособие алырга мөмкинлек бар. Аның өчен вафат булган кешенең эш урынына мөрәҗәгать итәргә кирәк.

Мәетнең ерактагы туганнарына, якын кешеләренә, дусларына аның үлеме хакында хәбәр ителә. Мәетне җирләү вакыты килешенә.
Имамга яки абыстайга хәбәр ителә.

Зиратка барып, кабер казу эшләре башлана. Әгәр кабер казырга кеше булмаса, администрация­дә акча түләп, заказ бирелә. Зират сайлауда туганнар үзара килешә, кабер казыган өчен акча түләнә.


Дәвамы бар.