Төшенкелеккә бирелүдән догалар

“Йа Раббым, Синнән тынычсызлыктан, сагыштан, көчсезлектән, ялкаулыктан, саранлыктан, куркаклыктан, әҗәт колы булудан һәм кешеләрнең кимсетүеннән саклавыңны сорыймын” (Бохари, 2893).

Аллаһумма лә сәхлә иллә мә җәгәлтәһү сәхлән, вә әнтә тәҗгәлүл хәзәнә изәә шинтә сәхлән.
“Йа Раббым, Син барлыкка китергәннән башка җиңеллек юк, һәм, теләсәң, Син сагышны җиңеләйтәсең” (Сахих Ибн Хиббән, 974).

Коръәннән Юныс (галәйһиссәлам) догасын да укырга мөмкин:
“Синнән башка һичбер илаһ юк! Син (һәртөрле кимчелекләрдән ерак вә) пакь! Һичшиксез, мин (Синнән рөхсәтсез өммәтемне ташлап, һиҗрәт итеп, үземне куркынычка дучар иткәнем өчен үз-үзенә зарар иткән) залимнәрдән булдым!” (Әнбия, 87).