“Шәһри Казан” десанты “Безнең авыл” бәйгесендә беренче урын яулаган Балык Бистәсенең Югары һәм Түбән Тегермәнлек авылларында кунакта (Фоторепортаж)

Кичә редакция коллективы бер төркем иҗатташ дуслары - эстраданың танылган җырчылары "Артур-Марат" дуэты, Чулпан Йосыпова, Артур Шөгаепов, Илназ Гарипов, Айгөл Рәхимова һәм Айдар Рәкыйпов белән бергә "Безнең авыл" бәйгесенең төп җиңүчеләре - 351 433 тавыш җыйган Балык Бистәсе районының Түбән һәм Югары Тегермәнлек авылы халкы белән очрашты. Искиткеч җылы атмосфера, ихлас чыгышлар, уен-көлке, дәртле биюләр, шаккатыргыч фокуслар, күңелләрне айкап-актарып ата торган моңлы көйләр, күңелле җырлар тыңлап, авыл халкы рәхәтләнеп ял итте.

- Яңа сулыш өрелгән мәдәният йорты бинасында беренче тапкыр чыгыш ясаучыларның аяклары җиңел булсын иде дә, безнең күңелләрне гел шулай күтәреп, матур чаралар үткәрелеп торсын иде, - дип теләк теләде кичә авыл халкы.