29 май – 4 июнь йолдызнамәсе: мәхәббәт, акча һәм мөһим карарлар

Кучкар (21 март – 20 апрель)
Бу көннәрдә тизлек түгел, ә төгәллек ота. Әзерләгән эшлекле тәкъдимегезне әйтергә вакыт, чөнки әйләнә-тирәдәгеләрнең реакциясе сезне гаҗәпләндерәчәк. 

Үгезбозау (21 апрель – 20 май)
Сезнең башыгыз гадәттәгедән үткенрәк эшли, шуңа күрә моны сөйләшүләрдә һәм үз идеяләрегезне яклаганда кулланыгыз. 

Игезәкләр (21 май – 21 июнь)
Абруй кычкырулар белән түгел, ә төгәл нәтиҗә белән ирешелә. Шуңа күрә буш сүз сөйләп йөрү урынына, эш белән шөгыльләнегез. 

Кысла (22 июнь – 22 июль)
Вакыйгаларны, мөнәсәбәтләрне катлауландырмагыз. Чынлыкта барысы да сез уйлаганнан да җиңелрәк. 

Арыслан (23 июль – 23 август)
Көчегезне бәхәсләргә сарыф итмәгез, чөнки алар уңай нәтиҗә бирмәс. Вакытны гаилә белән уздыру рухи көч җыярга ярдәм итәр.

Кыз (24 август – 23 сентябрь)
Сынаулар, алдаулар сезнең яныгызда куе болыт сыман җыелыр. Бәлки, сезне эчке каршылыклар һәм аңлаешсыз борчылулар газаплар. Башыгызны югалтмагыз. Сезгә фикерләрегезне тупларга кирәк.

Үлчәү (24 сентябрь – 23 октябрь)
Шартлар шул дәрәҗәгә җитәр ки, запас вариант төп планга әверелер. Борчылмагыз: кайчакта нәкъ менә икенче план беренчесеннән уңышлырак була. 

Чаян (24 октябрь – 22 ноябрь)
Ашыгу – начар киңәшче. Хәзер үк җавап сораган мәсьәләләр чынлыкта иртәгәгә кадәр көтәргә мөмкиннәр. 

Укчы (23 ноябрь – 21 декабрь)
Хисләр ярдәмендә ясалган нәтиҗәләр бик сирәк очракта дөрес булалар. Бераз туктап торсагыз, ачыклык үзе килер. Күз алдында яңа кеше пәйда булыр, ләкин шунда ук ачылырга кирәкми: вакыт кемнең кем икәнен күрсәтсен. 

Кәҗәмөгез (22 декабрь – 20 гыйнвар)
Сез нәрсәнедер үзгәртергә әзер, ләкин иртә түгелме дип шикләнәсез. Йолдызлар моның өчен бик уңышлы чор диләр. Бүген түгел, иртәгә дигән эшне, нәкъ менә хәзер башларга кирәк.

Сукояр (21 гыйнвар – 18 февраль)
Сөйләшүләрдә сүзегезне ахырына кадәр тотыгыз, чөнки беренче компромисс  йомшаклык буларак кабул ителә һәм икенчесен үз артыннан тарта. Гаилә финанслары конкрет карар таләп итә.

Балык (19 февраль – 20 март)
Ялларны артык очрашуларсыз һәм сөйләшүләрсез үткәрегез. Дәшсәләр дә, язсалар да ризалашмагыз. Сәламәтлегезгә кул селтәп, каядыр барсагыз, нәтиҗәләрен төзәтеп бетереп булмаска мөмкин.