Сайлау алдында калырга мөмкинсез: 16-23 октябрьгә йолдызнамә

Кучкар (21 март – 20 апрель)
Ниһаять, эшләгән эшләрегезнең нәтиҗәләрен күрергә вакыт җитте. Сез шатлыктан күкнең җиденче катында булырсыз. Шатлыгыгыз белән якыннарыгыз белән бүлешергә онытмагыз.

Үгезбозау (21 апрель – 20 май)
Кыенлыклар көтелмәгән җирдән барлыкка киләргә мөмкиннәр. Шуңа күрә аралаша торган даирәгезне, эшләрегезне үзгәртмәгез. Алдан тикшерелгән, ышанычлы кешеләргә ышансагыз кулаерак булыр.

Игезәкләр (21 май – 21 июнь)
Ялкаулык сезне бөтен җирдә “саклап” йөрергә мөмкин. Аңа бирешмәсәгез, барысы да әйбәт булыр. Хәтта иҗат өчен дә вакыт калыр. Игътибар итегез: сезнең хыяллар чынга аша башлаган бит!

Кысла (22 июнь – 22 июль)
Бу арада сезгә бөтен көннәр бертөрле булып тоелырга мөмкин. Артык моңаерга кирәкми. Тотрыклылык - шулай ук яхшы сыйфат. Шәхси тормышыгызда горурлыкка урын бирмәгез.

Арыслан (23 июль – 23 август) 
Үз-үзегезгә ышаныгыз һәм барысы да әйбәт булыр. Ниндидер кыенлыклар туса, ярдәмгә дусларыгыз килер. Барысында үзем эшли алам дип, киреләнеп, баш тартмагыз. Ярдәмне кабул итә белергә дә кирәк.

Кыз (24 август – 23 сентябрь)
Якын арада гаиләгез, дусларыгыз белән мөнәсәбәтләр салкынайган кебек тоелырга мөмкин. Беренче адымны үзегез ясап, дуслашырга юллар эзләгез. Үпкәләүләргә урын калдырмагыз.

Үлчәү (24 сентябрь – 23 октябрь)
Барлык әйберләргә дә ышанмасагыз, үзегезгә әйбәтрәк булыр. Ялган мәгълуматны чынга алуыгыз бар. Шуңа күп мәгълүматны берничә тапкыр тикшерегез. Соңыннан үзегезгә рәхмәт әйтерсез.

Чаян (24 октябрь – 22 ноябрь)
Вакытыгызны юк-барга әрәм итмәсәгез, хәерлерәк булыр. Барысын да төгәл, вакытында эшләсәгез, тиз генә максатыгызга ирешерсез. Ялларда вакытны якыннарыгыз белән өйдә үткәрегез.

Укчы ( 23 ноябрь – 21 декабрь)
Бу атнада бәхет сезнең яклы булыр. Алдагы эшләрегезгә кире кайтсагыз, алар зурдан-зур уңышлар китерергә мөмкин. Ниндидер кыенлыгыгыз туса, гаиләгез белән уртаклашыгыз. Бергә һичшиксез чыгу юлын табарсыз.

Кәҗәмөгез (22 декабрь – 20 гыйнвар)
Бер вакытта бөтен җирдә өлгереп бетеп булмый. Шуңа үзегезгә төгәл бер максат куеп, аңа туры барыгыз. Киртәләр көннән-көн артып торсалар да, бу дөрес булмаган юл дигән сүз түгел. Димәк нәтиҗәсе кыйммәтрәк булачак.

Сукояр (21 гыйнвар – 18 февраль)
Сайлау алдында калырга мөмкинсез. Дөрес юлны йөрәгегез күрсәтер. Бу көннәрдә акыл белән түгел, күңел белән эш итәргә тырышыгыз. Атна ахырында яхшы хәбәр алу ихтималы бар.

Балык (19 февраль – 20 март)
Бераз туктап ял итегез. Соңгы арада бик күп эшләдегез, хәзер бераз тынычланып калыгыз. Игътибарны үзегезгә юнәлтегез. Яраткан җирегезгә яраткан кешеләрегез белән барып кайтыр өчен менә дигән вакыт.