Тормыш юлыгызга томан төшәргә мөмкин: 26 сентябрь - 02 октябрьгә йолдызнамә

Кучкар (21 март – 20 апрель)
Кешеләр яисә әйберләр белән саубулашуны ахырзаман сыман кабул итәргә кирәми. Әгәр бер җирдә ут сүнә икән, димәк ул һичшиксез икенче җирдә кабыначак. 

Үгезбозау (21 апрель – 20 май)
Күңелегез сезнең кичерешләрне дә, башкаларныкын да үзенә сыендырырга әзер. Ләкин бөтен моң-зарны да йөрәккә якын кабул итәргә кирәкми. Үзегез көчле булганда гына, башкаларга көч биреп була. 

Игезәкләр (21 май – 21 июнь)
Күп әйберләрне без башкалар ихтыяры белән эшлибез. Шуңа күрә берәр адым ясар алдыннан үзегездән «Мин моны чыннан да телимме?» – дип сорагыз. Җавап бирер алдыннан әйбәтләп уйлагыз.

Кысла (22 июнь – 22 июль)
Сайлаган юлыгыз дөрес нәтиҗәгә алып чыкмаса, яисә хыялыгыз чынга ашмаса, бу начар дигәнне аңлатмый. Нәрсәдер килеп чыкмый икән, димәк тормыш сезгә күпкә уңышлырак юл әзерләгән.

Арыслан (23 июль – 23 август)
Ялларда кәефегез булмаска мөмкин. Ләкин якыннарыгыз һәм дусларыгыз бу күренешне тиз җайлар, елмаю түгел, рәхәтләнеп көлеп, ялны үткәрү ихтималы бар.

Кыз (24 август – 23 сентябрь)
Бу көннәрдә четерекле мәсьәләләрдән «белмим» дип кенә котыла алмассыз. Кыюлык сезнең якын дустыгызга әверелергә тиеш. Аның белән бергә эш иткәндә, яхшы уңышларга ирешү мөмкинлеге артыр.

Үлчәү (24 сентябрь – 23 октябрь)
Тормыш юлыгызга томан төшәргә мөмкин. Ул томанны үтү өчен ут, ягъни сезнең тормыш тәҗрибәгез кирәк булыр. Моңа кадәр булган бөтен киңәшләрне исегезгә төшерсәгез, аннан тиз чыгарсыз.

Чаян (24 октябрь – 22 ноябрь)
Сезне ишетмәгән кешеләргә үз фикерегезне дәлилләргә тырышмагыз. Сез үзегезчә «аңлатырга тырышам», «дөрес юл күрсәтәм» дип уйларга мөмкинсез. Ләкин әгәр сезне тыңламыйлар икән, акланудан мәгънә юк.

Укчы (23 ноябрь – 21 декабрь)
Бик күп матур мактау сүзләре ишетергә мөмкинсез һәм бу юкка түгел, сез моңа лаек. Шуңа күрә аларны баш иеп түгел, ә елмаеп «рәхмәт» әйтеп кабул итегез.

Кәҗәмөгез (22 декабрь – 20 гыйнвар)
Уңышка ирешү юлында мең тапкыр абынырга, мең тапкыр егылырга һәм йөз тапкыр кире борылу теләге барлыкка килә ала. Шуларның барысын үткән кеше генә теләгәненә ирешә. 

Сукояр (21 гыйнвар – 19 февраль)
Көннәр бер төслегә әйләнә башласа, аларны төрле төскә буйый башлагыз. Һәрбер хис-кичерешегез, эмоциягез билгеле бер төстә булсын. Көнегезнең сурәте иң матур төсләрдән генә торсын.

Балык (20 февраль – 20 март)
Бөтенесе сез теләгәнчә яшәмәскә мөмкин, кешене үзгәртергә тырышырга кирәкми. Һәр кеше үзе теләгәнчә яшәргә хокуклы. Сез аны ничек бар, шулай кабул итәсез яисә үзегез өчен башка юл сайлыйсыз.