#Хәрәкәт иминлеге 19 февраль 2016, 11:36

Юлыңа робот чыкса, курыкма

19 февраль 2016, 11:36

Кәрәзле телефоннар әле кайчан гына бик зур могъҗиза тоела һәм кыйммәтле җиһаз булып санала иде. Бүген алар сабыйлар уенчыгы сыйфатында калды. Юл-транспорт хәрәкәтен роботлар көйләячәк, машиналар кеше идарә итмәгән килеш йөриячәк. Монысына да ерак калмады.

Скопировать ссылку

Казанда 25-26 февральләрдә "Яшәеш иминлегенең заманча проблемалары: акыллы транспорт системасы" темасына 4нче халыкара фәнни-гамәли конференция узачак. "Татмедиа" республика агентлыгында Татарстан буенча Эчке эшләр министрлыгының ЮХИДИ идарәсе җитәкчесе Рифкать Миңнеханов әлеге чарада АКШ, Германия, Бельгия, Казахстан, Венгрия, Финляндия делегацияләренең катнашачагын хәбәр итте.

- Конференция кысаларында "Корстон" комплексында Россиядә җитештерелүче юл-транспорт хәрәкәтен көйләүче электрон техологияләр күргәзмәсе эшләячәк. Германия дә үзенең роботларын алып киләчәк. Ипподромда кеше идарә итмәүче ягъни автомат-программа нигезендә хәрәкәтләнүче "КамАЗ" машинасы йөрешен тамаша кылып булачак. Электрон технологияләрнең кайбер юнәлешләре Көнбатыш илләрендә көчле, кайсылары-Россиядә. Юл-транспорт хәрәкәтен көйләүдә электрон технологияләрне кулланышка кертә баруда Татарстан әйдаманнарның берсе, - диде Рифкать Миңнеханов.

Татарстанның мәгълүматлаштыру һәм элемтә министры урынбасары Анатолий Геллер әлеге фикер белән тулысынча килеште. Ул әйткәнчә, республикадагы гомүмбелем һәм спорт мәктәпләре автобуслары-100 процентка, ашыгыч хезмәтләр транспорт чаралары-76 процентка, ә дежур-диспетчерлык хезмәтләре 98 процентка ГЛОНАСС+112 элемтә челтәре белән тәэми ителгән.

Конференциянең максаты-юл хәрәкәте иминлеген булдыруда халыкара тәҗрибә уртаклашу, үзара хезмәттәшлекне үстерү.

Кызыклы яңалыкларны күзәтеп бару өчен безнең МАХ каналына кушылыгыз.