Иртән торсам да, кич ятсам да, уемда шулар
Ирем миңа хыянәт итәдер дип гомеремдә дә уйламадым. Хәер, кайсы хатын-кыз алай уйласын инде?
Ирем миңа хыянәт итәдер дип гомеремдә дә уйламадым. Хәер, кайсы хатын-кыз алай уйласын инде?
Һәр гүзәл зат иренә ихластан ышана, аны дөньядагы иң яхшы ир дип уйлый. Әмма алай түгел икән шул.
Ирем белән 8 ел яшибез. Ике улыбыз бар. Ирем матур сүзләрен, бүләкләрен кызганмый, бәйрәм саен чәчәкләр бүләк итә. Балалар өчен үлеп тора. Үрнәк ир инде менә.
Тик узган елның 31 декабре искә төшкән саен йөрәк жу итә. Ул көн тормышымда кара эз калдырды. Соңгы арада ирем кулыннан телефонын төшермәде. Хәтта бәдрәфкә дә, юыну бүлмәсенә дә телефон тотып керде. Күңелнең бер почмагында шик булса да, моңа артык игътибар бирмәдем.
Яңа елны каршы алгач, мин балаларны йоклатырга кереп киттем, ә ирем телевизор карап калды. Уянып чыксам, ирем йокыга киткән. Шулчак гомеремдә беренче тапкыр иремнең телефонын ачып карарга булдым. Һәм эшендәге бер кызга язган смсларын күрдем. Бу язышудан шуны аңладым: болар бергә эшкә йөриләр һәм эштән соң күрешәләр икән. Анда “син кая әле?”, “сөйләшә аласыңмы?”, “мин паркта”, “кибет янында” кебек смслар бар иде. Көн саен бер-берсенә шалтыратулар булган. Хәтта кичке сәгать 10-11дә сөйләшкәннәр.
Иртән торгач, барысын да ачыктан-ачык аңлатуын сорадым. Ул мин әйткән-күргәннәрне кире какты. Иртән эшкә бергә баруларын, кайвакыт кичләрен эштән соң хезмәттәшләр белән бергә кафеда утыруларын әйтте. Ышандым да сыман, ләкин күңел шикләнә бит. Иртән торсам да, кич ятсам да, уемда шулар.
Аннан соң тагын бер вакыйга искә төште. Кич белән шалтыраткач, телефонын бер хатын-кыз алган иде. Теге хезмәттәше булгандыр инде. Ул иремнең исерек булуын һәм таксида кайтуын әйтте. Ул көнне ирем төнге сәгать 12дә генә кайтты. Эшендә Яңа ел бәйрәм иткәннәр икән.
Ирем хыянәт иткәнме, юкмы икәнен тәгаен әйтә алмыйм. Ул миңа хыянәт итүен мәңге әйтмәячәк. Ләкин йөрәгем үзенә урын таба алмый. Нишләргә?
Гөлинә, Чаллы
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Спорт
Динар Кәримуллин: «Бу адымым күпләргә көтелмәгән яңалык булды»
-
#Язмыш
«Тәнемдә йөздән артык кыйпылчык калды, әмма яшәргә яңадан өйрәндем»
-
#Җәмгыять
Курьер шәхси картасына акча күчерергә кушса, нишләргә?
-
#Кыскача яңалыклар
Россиянең иң яхшы ветеринария фельдшеры Татарстанда яши
-
#Сәламәтлек
Татарстан табиблары сирәк очрый торган диагнозлы пациентны ничек коткарган?
Комментарийлар
3
0
Искэ алма, кайгы башына алма.
0
0
1
0
Барып ул хатынны урынына утыртып кайтырга. Шунсыз дэвам итэчэк. Баштан утте.
0
0
4
0
Ник узен,не унижать итэсен, Бер хатын -кыз да иренэ бердэнбер була алмый,узен, яхшырак бул ,исен, киткэнне белдермэ,киресенчэ битарафлан,икенче кешен, бар кебек кылан ,бизэн,киен, шулай тынычлансан, гына...
0
0
0
0
Кунак ашы кара каршы
0
0