Европа күзенә карап торсаң, “авызыңны ачып” каласың

— Форум кысаларында 6-8 сентябрьләрдә “Машина төзелеше. Метал эшкәртү. Эретеп ябыштыру” күргәзмәсе дә үткәрелә. Анда Россиядән һәм Белоруссиядән 61 экспонент катнашып үзләренең продукциясен күрсәтә. Эшкуарларга эре предприятиеләр белән аралашу мөмкинлеге тудырыла,-дип хәбәр итте Татарстан Республикасының Сәүдә-сәнәгать палатасы рәисе урынбасары Марат Ахматов “Татар-информ” мәгълүмат агентлыгында уздырылган матбугат конференциясендә.

 Татарстанның Инвестицион үсеш агентлыгы җитәкчесенең беренче урынбасары Инсаф Галиев әйткәнчә, Россиянең 55 төбәге һәм 20 чит ил “Ростки: Россия-Кытай” форумында катнашырга заявка җибәргән.

 “Машина төзелеше. Метал эшкәртү. Эретеп ябыштыру” күргәзмәсендә катнашачак мәгълүм бер компаниянең генераль директоры Павел Борисов:”Санкцияләр, бәлки, бетерелер, дип өметләнеп, кайбер компанияләр чит ил товарларына алмаш булдыруны сузыбрак тордылар. Хәзер технологияләр булдыру максатында эш кузгалды, бу –яхшы хәл,”-диде.

 Марат Ахматов сүзләренә караганда, республикада “Татпромстан” берләшмәсе станоклар җитештерү юнәлешендә актив эшли. Күргәзмәдә алар да үзләренең технологияләрен күрсәтәчәк.