#Икътисад 21 декабрь 2016, 13:47

Татфондбанк клиентларына акчаны кире кайтару 26 декабрьдән 5 банкта башкарылачак

21 декабрь 2016, 13:47

Татфондбанк клиентларына иминият түләүләре "Сбербанк", ВТБ 24, "Россельхозбанк", "ФК Открытие" һәм "Ак Барс" банклар аша башкарылачак, алар 2016 елның 26 декабрендә башланачак, дип хәбәр итте "Кертемнәрне иминиятләштерү агентлыгы" Дәүләт корпорациясе (АСВ).

Скопировать ссылку

Татфондбанк клиентларына акчаны кире кайтару 26 декабрьдән 5 банкта башкарылачак

"Вкладчыларның кайсы банкка караганлыгы турындагы хәбәр 23 декабрьгә кадәр АСВ рәсми сайтында урнаштырылачак. Акчаны алу өчен вклдачыларга агент-банкка паспортны күрсәтеп, акчаны кирү кайтару турында гариза язарга кирәк булачак. Гариза бланклары агент-банкларда бирелә", - дип хәбәр итә АСВ матбугат хезмәте.

АСВ Татфондбанк клиентларын агент-банкларның Яңа ел бәйрәмнәрендәге эш тәртибе белән өстәмә таныштырачак. Игълан АСВ сайтында 30 декабрьгә кадәр урнаштырылачак.

^{Татар-информ}