Алтын-көмешне ничек имминиятләштерергә?

Танылган зәркән эшләнмәләре бренды һәм имминият компаниясе уздырган тикшеренүләр нәтиҗәләре буенча, сораштыруда катнашучыларның 27 проценты бер тапкыр булса да зәркән эшләнмәләрен имминиятләштергән. Ә җавап биргәннәрнең яртысы диярлек бер тапкыр да моны эшләмәгән, әмма теләкләре булуын белдергән. Чөнки күпчелек алтын-көмешләрен югалтудан яисә урлатудан курка икән. Респондентларның 57 проценты зәркән эшләнмәләрен бер тапкыр булса да югалтканлыгын да искәрткән. 

Сораштыруда катнашучыларның күп өлеше туй балдакларын, буыннан-буынга күчә торган зәркән эшләнмәләрне һәм премиаль брендлы сәгатьләрне имминиятләштерергә теләкләре булуын белдергән.

Зәркән эшләнмәләрен ничек имминиятләштерергә була?

Белгечләр моны ике ысул белән эшләргә киңәш итә.
Беренчесе - милекне имминиятләштергәндә килешүдә күрсәтү. 
Икенче ысул - зәркән эшләнмәләре өчен аерым полис рәсмиләштерү.
Моның өчен зәркән эшләнмәсенең чын икәнен һәм бәясен раслау таләп ителә. Гадәттә, бу кибеттә бирелә торган чек һәм бәйсез эксперт бәяләмәсе булырга мөмкин.