Борыч, кыяр, кәбестә: Лилия Мортазина бакчачы киңәшләре белән уртаклаша

Аннары туфрак тутырып, редис орлыгын чәчәм дә өстенә кар гына салам. Өстен дә пакет белән каплап, җылытылмаган теплицага кертеп урнаштырам. Бик салкыннарда өстенә бер иске тун ташлыйм. Миңа “Стеллар” дигән сорт ошый. Күп еллардан бирле утыртам аны. Үзе эре, тәмле һәм барысы да бер размерда була. 
Ә тартмаларны кайбер кибетләрдә бушка бирәләр, шулардан алып кайтам. 
*
Үзем яратып үстерә торган помидор сортлары:
Пудовик (шул сортны гына утыртсагыз гына да, күп уңыш алып булачак)
Чудо земли
Батяня (әмма бинусы бар – яфраклары чиргә тиз бирешә)
Безразмерный
Краса Сибири
Пузата хата
Мазарини
Юсуповский
Мечта Алисы
Сказочная магия
*
Ачык грунт өчен бик уңышлы томатлар: Орлиный клюв (Бычье сердце сыман бик тәмле. Ашар өчен), Верочка (гибрид. Бик тыгыз. Тозлар өчен), Настенька (бик күп була. Бәйләмичә, пасынковать итмичә үсә), Монгольский карлик (бәйләмәскә, пасынковать итмәскә. Томат согына, соуска, кетчупка әйбәт), Дворцовый (сакларга яхшы), Ляна (тозлар өчен. Күп була. Пасынковать итмәскә, бәйләмәскә), Волгоградский (тозлар өчен. Күп була. Пасынковать итмәскә, бәйләмәскә), Петруша-огородник (тиз өлгерә. Бәйләмим, пасынковать итмим), Кенигсберг (бик күп була. Киптерер өчен яхшы), Джина (күп була. Бәйләмим, пасынковать итмим. Ашарга һәм томат согына), Хурма (сары төстә. Бик тәмле).
*
Болгар борычының иң ошаган сортлары: 
Подарок Молдовы 
Рамиро красный 
Рамиро оранжевый 
Шуларны гына утыртканда да артыгы белән җитә. Подарок Молдовы – фаршировать итәргә яхшы. 
*
Кыярның ел саен Кураж, Паратунка, Берендей дигәнне утыртам. Болар – гибрид. 
*
Кәбестәгә агу беркайчан да сипмим. Көл + теш порошогы + кара яки кызыл борычны кушып, шул коры массаны өстенә сибәм.
Кышка саклар өчен кәбестәнең Мегатон, Валентина, Агрессор, Каменная голова сорталры яхшы. 
*
Уңыш туфракның нинди булуыннан да тора. Теплицага ел саен кычыткан үскән җирне кертәбез. Ике елга бер тирес кертәбез, өстенә кычыткан туфрагы салып казыйбыз. Шуннан соң гына рассада утыртыла.
*
Миннән күпләр бакчачы өчен ай календарен кулланасызмы дип сорый. Юк, кулланмыйм. Бисмилламны әйтәм дә чәчәм. Бәрәкәтле уңышлар булсын! Җыйган уңышларыбызны шатланышып ашарга насыйп булсын.

Дилбәр Гарифуллина әзерләде