Ит маринадлау ысулы

Аны бозау ите, тавык, үрдәк ите өчен куллана аласыз. Маринад берничә минутта әзерләнә, ә нәтиҗәсе ресторандагы кебек булачак. 

Кирәк булачак (1 кг иткә исәпләнгән): 1 аш кашыгы горчица, 4-6 тырнак сарымсак, 5-6 аш кашыгы үсемлек мае, 2-3 аш кашыгы лимон согы, тәменчә тоз, борыч, тәмләткечләр. 

Барлык ингредиентларны да бергә кушып бутагыз. Итнең һәр кисәген яхшылап шул маринад белән ышкыгыз һәм 2-3 сәгатькә калдырыгыз. (Төнгегә, 10-12 сәгатькә калдырсагыз тагын да әйбәт). Итне үзегез теләгән ысул белән пешерә аласыз. Ул сусыл, йомшак булачак. 

Фото: нейрочелтәр