Патчлар күрү сәләтенә зыян салырга мөмкин

Бу хакта офтальмология үзәге белгече Хәдичә Сөләйманова кисәтә. 

-    Салкынның локаль йогынтысы күз кабагы кан тамырларының тараюына китерә һәм күздәге кан агымын кыска вакытка үзгәртә торган симпатик реакцияне башлап җибәрә. Сәламәт кешеләрдә бу күрү сыйфатында тискәре чагылыш тапмый. Әмма кан тамырлары чирләре, мигрень яки глаукома белән авыручы пациентларда суыкның йогынтысы челтәр катлау һәм күрү нервының туклануын начарайтырга, күрү кырының сизгерлеген киметергә сәләтле, - дип аңлата ул.
Белгеч сүзләренчә, патчларда ароматик өстәмәләр, шул исәптән ментол да куркыныч тудыра. Алар тиренең ялкынсынуына китерергә һәм аллергия тудырырга мөмкин.

-    Салкын компресслар шешү, күгәрек һәм аллергик кычыту булган очракта рөхсәт ителә. Аларны тундыргычтан түгел, ә суыткычтан алып, 5-10 минутка юка тукыма аша гына салырга кирәк. Бер-ике сәгатьтән дә ким булмаган тәнәфесләр ясап яңадан кулланырга була. Боз яки суытылган пакетлар кулланганда, дымлы сөлге аша гына куярга  һәм 10-15 минуттан да артык тотмаска киңәш ителә. Теләсә нинди ою яки авырту тойгылары процедураны кичекмәстән туктатырга сәбәп булып тора, - дип киңәшләр бирә белгеч.