Алманың 1001 файдасы

Алма һәм дарчин (корица): алманы нечкә итеп турап, өстенә 500 мл кайнар чиста су агызабыз, 1 чәй кашыгы төелгән дарчин салабыз. Суынгач, көн дәвамында эчәбез. Әлеге катнашма матдәләр алмашын яхшырта һәм ашкайнату трактын чистарта.

Лимон согы белән бал: 2 аш кашыгы яңа сыгылган лимон согына 200 мл җылы су һәм 1 чәй кашыгы бал, бер чеметем төелгән имбир кушабыз да ашарга ярты сәгать кала эчәбез.

Чөгендер согы: бер чөгендерне, ике алманы, дүрт ботак сельдерейны кушып, сокларын сыгабыз. Көненә ике тапкыр – ашарга ярты сәгать кала – берәр аш кашыгы эчәбез.

Сәламәтлек коктейле: бер әфлисун, бер лимон һәм бер кишернең согын сыгып, 100 мл минераль су кушабыз. Ашарга ярты сәгать кала эчәбез.

Имбирлы эчемлек: 3-4 см лы имбир тамырын вак итеп турап, өстенә 1 литр кайнар су салабыз да кайнатырга куябыз. Уртача утта ун минут кайнаткач, сөзеп алабыз. Суынгач, бер чеметем дарчин һәм берничә аш кашык гөлҗимеш сиробы салып, көн дәвамында – ашарга ярты сәгать кала – 100-150 мл эчәбез.