#Киңәш сандыгы 10 декабрь 2018, 11:38

Кабак төше картайтмый!

10 декабрь 2018, 11:38

Кабак төше кандагы холестерин күләмен, инфаркт, инсульт, атеросклероз булу куркынычын киметә, кан әйләнешен яхшырта, паразитларга каршы көрәшә, картаю процессын акрынайта, бала көтә торган ханымнарга ул токсикоз вакытында булыша, ә спортчыларга мускул массасын үстерергә ярдәм итә.

Скопировать ссылку

Кабак төше витаминнарга һәм файдалы матдәләргә бай. Аның составында 50дән артык микро- һәм макроэлемент бар.

Кабак төшендәге май үзенең составы белән зәйтүн маеннан бер дә калышмый һәм ул йөрәк өчен файдалы. Калийга бай булуы белән ул кан басымын көйләп тора. Аның составындагы Е витамины чәчнең сәламәтлеге өчен кирәк, шулай ук тән тиресен дә картайтмый. Кабак төшендәге А витамины күз авыруларын булдырмый калырга булыша.

Кызыклы яңалыкларны күзәтеп бару өчен Т елеграмга кушылыгыз.