Көненә күпме бал ашарга ярый?

Диетолог-гастроэнтеролог Нурия Дианова сүзләренчә, балда шикәр белән фруктоза бар. Калориялелеге белән ул шикәрдән калышмый. “Бөтендөнья сәламәтлек саклау оешмасы көненә 50 гр дисә дә, чынлыкта 25 гр булса яхшырак. Монда кешенең гадәти шикәрне күпме куллануыннан тора. Аны бөтенләй ашамасаң, балны 5-50 гр ашарга була” дигән ул. Шикәр авыруы булмаса, симерүдән җәфаланмаса, бал да, шикәр дә ашарга ярый. Белгеч халыкка алма пешереп ашарга киңәш итә. Алманың үзәген алып, ваклап туралган чикләвек сибәсез һәм 2-3 минут газ мичендә яки микродулкынлы мичтә пешерәсез. Суынган алмага бер бал кашыгы бал салып ашыйсыз. Табиб балны җылытырга ярамаганлыгын да әйтә. Җылытканда ул актив компонентларын югалта һәм гадәтишикәргә әверелә.

Фото: "ШК" архивыннан