Кышка аяк киемен ничек сайларга?

Ул 1 см дан да ким булмаска тиеш. Аякка салкын гына түгел, су да үтмәсен өчен полиуретан, резина һәм поливинилхлоридтан ясалган табанга өстенлек бирегез. Андый аяк киеме озакка чыдар.

Табанның нинди материалдан эшләнгәнлеген этикеткадан карап белеп була.
Табанның рельефлысын сайлагыз. Андый аяк киеме бозлы сукмакларда таймас.
Кышкы аяк киеменең җылы булуы мөһим икәнлеген языла торасы түгелдер. Натураль материалдан эшләнелгән аяк киеменә өстенлек бирергә тырышыгыз.

Һичьюгы аяк киеменең эчке өлеше натураль булсын. Ясалма эчлек ялтырап тора, ә натураль эчлек тоныграк була.
Әмма бөтен кешенең дә 10-15 меңгә натураль тиредән тегелгән  итек алып кию мөмкинлеге юк. Андый очракта мембраналы материалдан ясалган аяк киеменә тукталырга мөмкин.

Андый аяк киеме өчен инновацичле материал кулланыла, нигезендә - тефлон. Челтәр сыман структуралы тукыма аша дым һзм су ачк киеменең эченә үтә алмый.

Мембраналы аяк киемен -10...-15 градуска кадәр кияргә була. Әмма актив хәрәкәт иткәндә -20 градуслы суыкта да аякларыгыз өшемәячәк.
Мембраналы аяк киемнәре җылылыкны яхшы саклый. Аларны юарга җайлы, озакка чыдый. Мондый аяк киемен киеп йөрергә дә уңайлы, аллергия чыкмаячак.

Әмма мембрананың тискәре яклары да бар. Беренчедән, озак кигән очракта аяклардан тәмсез ис килә башлый. Мондый аяк киемен йон яисә җитен материалдан тегелгән оек белән кимәскә киңәш ителә. Синтетик материалдан булса яхшырак.

Кышкы аяк киеменең размеры да мөһим. Кыса торган аяк киеменнән бармаклар туңачак. Шуңа да кышка итек яисә ботинкаларны  ярты размерга булса да зурракны алырга киңәш ителә.