Мини мунча: бәдрәф дисәң, зуррак, сарай дисәң, охшамаган (ФОТО)

Гильдеево бистәсендә йөргәндә, берәүнең бакчасындагы кечкенә генә агач йортка күзебез төште. Бәдрәф дисәң зуррак, сарай дисәң дә охшамаган. Ике метрга ике метрлы нинди серле йорт икән бу дип, йортның хуҗасын эзләп киттек. Дачада Клара түти оныгы белән җәйне уздыра икән. - Әни үлгәннән бирле, бу йорт минем карамакта. Бакчада бәрәңге,...

Скопировать ссылку

Гильдеево бистәсендә йөргәндә, берәүнең бакчасындагы кечкенә генә агач йортка күзебез төште. Бәдрәф дисәң зуррак, сарай дисәң дә охшамаган. Ике метрга ике метрлы нинди серле йорт икән бу дип, йортның хуҗасын эзләп киттек. Дачада Клара түти оныгы белән җәйне уздыра икән. - Әни үлгәннән бирле, бу йорт минем карамакта. Бакчада бәрәңге,...

Гильдеево бистәсендә йөргәндә, берәүнең бакчасындагы кечкенә генә агач йортка күзебез төште. Бәдрәф дисәң зуррак, сарай дисәң дә охшамаган. Ике метрга ике метрлы нинди серле йорт икән бу дип, йортның хуҗасын эзләп киттек.

Дачада Клара түти оныгы белән җәйне уздыра икән.

- Әни үлгәннән бирле, бу йорт минем карамакта. Бакчада бәрәңге, чөгендер, кишер, суган, җиләк үстерәм. Сатмыйм, барысы да үзебезгә, өч-дүрт гаилә бүлешеп ашыйбыз. Йортны да сатарга җыенмыйм. Җәйге йорт булмаса, барысын да сатып алыр­га туры килә бит.

- Уңышларыгыз сөбханалла булырга охшап тора, җире уңдырышлы, ахры? - дим, Клара апаның зур-зур чөгендерләренә ымлап.

- Бакчаны карап торырга кирәк, уңышы да була. Аннары яңгырлары да явып үтә, шөкер, корылыкның да, гарасатларның да булганы юк әле, көнем бакчада уза инде, - ди әңгәмәдәшем.

Бакчадагы теге кечкенә йорт белән дә кызыксынам.

- Мунча ул, җәйге мунча, шундый кечкенә генә ясаттык үзебез. Кызым интернет аша тапты, 130 мең сумга Мари Элдан ясап китерделәр. Бик җайлы, миче дә әйбәт, ике-өч утын тыгасың да өлгерә. Тыштан карап торырга җыйнак кына үзе, ике-өч кеше рәхәтләнеп сыя эченә, - ди Клара түти.

Кызыклы яңалыкларны күзәтеп бару өчен Телеграм-каналга кушылыгыз.