Минус белән плюс арасында ничек бирешмәскә?

- Сәламәтлегеннән зарланмаган кеше табигатьтәге мондый үзгәрешләрне әллә ни тоймаска да мөмкин әле. Бу көннәрдә күп вакытта өлкән яшьтәге апа-абыйлар һәм хроник авырулары булганнар азаплана. Бу, чыннан да, сәламәтлеккә нык тәэсир итә. Нишләргә дигәндә, төп киңәшләрнең берсе - тоз һәм составында тоз күп булган продуктларны, мәсәлән, казылык һ.б.ны ашауны киметү. Шулай ук спиртлы эчемлекләр эчү катгый тыела. Күбрәк ял итәргә һәм иртәрәк йокларга ятарга киңәш ителә. Ә актив тормыш алып баручылар һава температурасы кисәк уйнаган көннәрдә физик нагрузкаларны киметсеннәр иде. Аннары көндәлек стресслар да организмны бик нык талчыктыра, шуңа күрә, андый ситуацияләрдән дә саклануыгыз хәерле. Барлык киңәшләрне дә үтәгән очракта, табигать торышы гына сезне аяктан ега алмас.