Орхидеяны сарымсак чәчәк аттыра?!

Төнәтмә әзерләү өчен бер төймә янтарь кислотасын бер литр кайнар суда эретәсе. Су суынгач, шуңа бер теш сарымсак изеп саласы. Бер тәүлек төнәткәч, сибә аласыз. Бу төнәтмәне аена бер сибәргә кирәк. Чәчәк аткан яки бөреләнгән вакытта сибәргә ярамый.

Төнәтмәне өч көн сак­ларга була. Озак торса, файдасы калмый. Ул вируслар, авырулар, корткычларга каршы торып кына калмый, орхидеяның иммунитетын да ныгыта. Күчереп утырт­канда тиз тернәкләнеп китсен өчен дә шушы төнәтмәне сибегез.

Профилактика өчен бер теш сарымсакны төбенә куеп калдырсагыз да була.

Эльмира Исхакова