Пиде пешерә беләсеңме? (Рецепт)

Камыр өчен 2 стакан он, 1 стакан су, 5 грамм
коры чүпрә, бер чеметем тоз, 1 аш кашыгы сыек май (зәйтүн) кирәк. 
Эчлеккә: 300 грамм фарш, 1-2 помидор, 1-2 суган, тоз, борыч, кориандр, тмин, кунжут, йомырка сарысы. 
Иләнгән онга чүпрә болгатабыз, тоз сибәбез, су өстәп камыр басабыз. Сыек май салып, яхшылап басып бетерәбез. 1 сәгать кабарткач, әзрәк баскалап куябыз, тагын 10 минутлап тора. Эчлек өчен вак итеп туралган суганны кыздырып алабыз, аңа фаршны өстәп тагын кыздырабыз. Кабыгы салдырылган помидорны турап салабыз. Тоз, борыч, кориандр (кем нәрсә ярата инде) өстибез. Әзрәк су салып, 10-15 минут кыздырабыз. Камырны 2 озынча түгәрәк итеп җәябез. Эчлекне салып, кырыйларын бөгеп чыгабыз, кырыйларына йомырка сарысы сылыйбыз, кунжут сибәбез дә 180 градуста 20-30 минут пешерәбез.

Айгөл Мәҗитова.

Фото: https://pixabay.com/ru