Пилмәнгә сөт кушсаң, тәмле була?!

Ашны сүрән утта пешергәндә, шулпасы тәмле була.
Киптергән гөмбәне берничә сәгать тоз кушылган сөттә тотыгыз.
Йомырканың пешкәнме-юкмы икәнен кабыгын әрчемичә генә белер өчен,  әйләндереп карагыз. Пешкәне әйләнеп йөриячәк, чи йомырка бер-ике тапкыр гына әйләнә дә туктый.
Кабыгы белән пешкән бәрәңге тиз әрчелсен өчен, пешеп чыккач ук салкын суда тотып алыгыз.
Бәрәңге боламыгына сөтне җылытып салыгы.
Онны камыр басар алдыннан гына иләгез.
Ак һәм кара ипине бергә сакламагыз.
Беленнәрне, фольгага төреп, суыткычта ике көн саклый аласыз, туңдыру камерасында – берничә атна.
Сөт тиз кайнасын өчен, бераз гына шикәр комы салыгыз.
Лимонны күп итеп алып, согын сыгыгыз да, махсус боз формаларына тутырыгыз һәм суыткычта катырыгыз. Өйдә лимон булмаганда, шул лимон согын куллана аласыз.